అక్టోబర్ నెలలో ఎన్నో విశిష్టతలున్నాయి.. అవేంటో తెలుసా?

వచ్చే అక్టోబరు నెల ఎన్నో విశిష్టతలను, విశేషాలను సంతరించుకుంది. 2, 9, 16, 23, 30 తేదీల్లో మొత్తం ఐదు ఆదివారాలు, 3, 10, 17, 24, 31 తేదీల్లో ఐదు సోమవారాలు, 1, 8, 15, 22, 29 తేదీల్లో ఐదు శనివారాలు వస్తున్నాయి. ఇలా ఒకే నెలలో ఐదు చొప్పున ఆది, సోమ, శనివారాలు రావడం చాలా అరుదు. మరో విశేషం ఏమిటంటే ఈ మాసంలోనే వరుసగా బతుకమ్మ, దసరా, దీపావళి, పీర్లపండుగలు వస్తున్నాయి. 11న దసరా, 12న పీర్లపండుగ , 30న దీపావళి పండుగ పర్వదినాలు ఉన్నాయి. సాధారణంగా ఈ పండుగలు ఒకే నెలలో రావు. మరో విశేషం ఏమిటంటే ఒక నెలలో ఒకే వారం (ఆదివారం) పౌర్ణమి(16న), అమావాస్య (30న) రానుండడం కూడా విశేషం. అలాగే ఐదు ఆదివారాలు, మూడు పండుగలు,ఓ రెండో శనివారం కలిపి తొమ్మిది రోజుల పాటు సెలవులు రానున్నాయి. ఇంకా విద్యార్థులకైతే సెప్టెంబరు 30నుంచే దసరా సెలవులు ప్రారంభం కానున్నాయి.అక్టోబరు 15 వరకు ఈ సెలవులు ఇవ్వడంతో సగం నెల విద్యార్థులకు ఆటపాటలతో సందడిగా గడిచిపోనుంది.