భార్య ఉన్న గదికి గడియపెట్టి.. పక్క రూమ్‌లో ఉన్న...

                  హైదరాబాద్/మదీన:- కామంతో కళ్లు మూసుకుపోయిన ఓ ప్రబుద్ధుడు కన్న కూతురిపైనే అత్యాచారం చేశాడు. ఈ సంఘటన ఆలస్యంగా వెలుగులోకి వచ్చింది. కాలాపత్తర్‌ తాడ్‌బన్‌ ప్రాంతానికి చెందిన ఓ వ్యక్తికి పదమూడేళ్ల క్రితం ఓ మహిళతో వివాహం అయింది. వీరికి ప్రస్తుతం 12 సంవత్సరాల కుమార్తె ఉంది. భార్యాభర్తల మధ్య విభేదాల కారణంగా మూడు సంవత్సరాల క్రితం విడాకులు తీసుకొని వేర్వేరుగా ఉంటున్నారు. విడాకులు ఇచ్చిన భార్య వద్దకు అతడు అప్పుడప్పుడు వెళుతుండేవాడు. ఈనెల 24వ తేదీ మధ్యాహ్నం 2 గంటలకు వెళ్లి ఆమె ఉన్న గదికి బయట గడియపెట్టాడు. మరో గదిలో ఉన్న కుమార్తెపై అత్యాచారం చేశాడు. విషయాన్ని బాలిక తల్లికి సోమవారం చెప్పగా.. పోలీసులకు ఫిర్యాదు చేసింది. కేసు దర్యాప్తు చేస్తున్నారు. పరారీలో ఉన్న నిందితుడిని పట్టుకునేందుకు రెండు ప్రత్యేక బృందాలను ఏర్పాటు చేశారు.