ప్యాంట్ పాకెట్‌లో మొబైల్ ఫోన్ పెట్టుకోవడం వల్ల మగాళ్లలో అది తగ్గిపోతుంది

మానవ జీవితంలో భాగమైన మొబైల్ ఫోన్ రోజురోజుకూ స్మార్ట్ అయింది. అయితే మొబైల్‌తో ఎన్ని లాభాలు న్నాయో అన్ని నష్టాలు కూడా ఉన్నాయి. అవి కేవలం మానసికంగానే కాదు. శారీరకంగా కూడా. మొబైల్‌ను మగాళ్లు ఎక్కడ పెట్టుకోవాలనే విషయంలో ఎక్కడా స్పష్టత లేదు. షర్ట్ పాకెట్‌లో పెట్టుకుంటే ప్రమాదమని తెలిసినప్పటి నుంచి చాలామంది ప్యాంట్ పాకెట్‌లో పెట్టుకుంటున్నారు.
అయితే ఇది అంతకంటే ప్రమాదమని వైద్య నిపుణులు హెచ్చరిస్తున్నారు. ప్యాంట్ పాకెట్‌లో పెట్టుకోవడం వల్ల మగాళ్లలో వీర్యకణాల ఉత్పత్తిపై ఇది ప్రభావం చూపుతుందని తాజా సర్వేలో వెల్లడైంది. టెక్నియన్ యూనివర్సిటీ చేపట్టిన అధ్యయనంలో ఈ విషయం తేలింది. పశ్చిమ దేశాలలో ఇది సంతానోత్పత్తిని నియంత్రించే ప్రధాన సమస్యగా మారిందట. పిల్లలు లేరని డాక్టర్ల దగ్గరకొచ్చే 40 శాతం కేసులు ఈ సమస్యతోనే బాధపడుతున్నారని తెలుస్తోంది.