చనిపోయిన యువతి శరీరం నుంచి ఆత్మ వెళుతుండగా రికార్డయిందట !

 

దెయ్యాలున్నాయా, లేవా అనే ప్రశ్నపై భిన్నాభిప్రాయాలు వ్యక్తమవ్వడం సహజం. మన దేశంలోనే కాదు, ప్రపంచంలోని ఎక్కడైనా ఇదే పరిస్థితి. సైన్స్ ఇంతగా అభివృద్ధి చెందిన ఈరోజుల్లో కూడా దెయ్యాలు, భూతాల్లాంటి మూఢనమ్మకాలను నమ్మేవారు ఉన్నారు. ఇలాంటి నమ్మకాలు కలిగిన వారిలో చైనీయులు ఉన్నారు. చైనా దేశంలోని ఓ ఆసుపత్రిలో దెయ్యం ఉందంటూ ప్రచారం జరిగింది. దెయ్యం దృశ్యాలు వీడియోలో రికార్డయ్యాయని ఆసుపత్రి సిబ్బంది చెబుతున్నారు. ఒక మహిళా పేషెంట్ శరీరంలో నుంచి ఆత్మ వెళ్లడం తాము వీడియోలో గమనించామని, కావాలంటే మీరూ చూడండని యూట్యూబ్‌లో పోస్ట్ చేశారు. అయితే ఈ వీడియోను ఫేక్ వీడియోగా కొట్టిపారేస్తున్నారు. ఇలాంటివి యూట్యూబ్‌లో చాలానే ఉన్నాయని, దెయ్యాలనేవే లేవని కొందరు బలంగా వాదిస్తున్నారు. ఆ వీడియో మీరూ చూడండి.