ఆ యువతి ఏం తింటుందో తెలిస్తే మీకు దిమ్మతిరగాల్సిందే !

స్కానింగ్‌లో జీర్ణాశయంలో అది కనిపించగానే వైద్యుల నోట మాట రాలేదు !

            చిన్నప్పుడు ఒక్కొక్కరికీ ఒక్కో అలవాటుంది. అది చెడ్డ అలవాటు కావచ్చు. మంచి అలవాటు కావచ్చు. మంచి అలవాటైతే తల్లిదండ్రులు ప్రోత్సహిస్తారు. అదే చెడు అలవాటైతే మానుకోమని హితవు పలుకుతారు. అదే వింత అలవాటుంటే. ఆ తల్లిదండ్రులు నరకయాతన అనుభవిస్తారు. సరిగ్గా అలాంటి వింత పరిస్థితే ఓ యువతికి ఎదురైంది. పుణెలోని ఓ 17 ఏళ్ల యువతి గత శనివారం తీవ్ర కడుపునొప్పితో ఆసుపత్రిలో చేరింది. కడుపునొప్పికి కారణమేంటా అని స్కానింగ్ చేసిన వైద్యులకు నోట మాట రాలేదు. ఆమె జీర్ణాశయంలో దాదాపు కేజీ వెంట్రుకలు ఉండటం చూసి వైద్యులు కంగుతిన్నారు. అసలు విషయమేంటంటే ఆ యువతి 5 సంవత్సరాలుగా టీవీ చూస్తూ జుట్టును అన్నంలా లాగించేసింది. అలా తినితినీ కొన్నాళ్లకు అన్నంపై ఆమెకు మొహం మొట్టింది.

 ఆమె మూడు సంవత్సరాలుగా కడుపు నొప్పితో                బాధపడుతోంది. తల్లిదండ్రులు స్థానిక ఆసుపత్రిలో చూపించగా.. జీర్ణక్రియ సక్రమంగా జరగడం లేదని మందులిచ్చి పంపించేశారు. శనివారం నొప్పి తీవ్రంగా ఉందని ఆమె ఏడుస్తుండడంతో తల్లిదండ్రులు హుటాహుటిన ఆసుపత్రికి తరలించారు. వైద్యులు సిటి స్కాన్‌ చేయగా అసలు విషయం వెలుగుచూసింది. ఆమెకు శస్త్రచికిత్స చేసి జీర్ణాశయం నుంచి కేజీ వెంట్రుకల ముద్దను వైద్యులు తొలగించారు. ఇప్పుడు ఆమె సురక్షితంగా ఉంది.