కళ్లులేని ఈ చిన్నారి ఈత కొట్టడంలో దిట్ట

లండన్: బ్రిటన్‌లో ఉండే డేనియల్‌కు 13 నెలల క్రితం ఈ చిన్నారి పుట్టింది. అయితే పుట్టుకతోటే ఈ పసిపాప కళ్లులేకుండా పుట్టింది. ప్రెగ్నన్సీ సమయంలో శిశువు మెదడులో పులిపిరి ఉందని వైద్యులు చెప్పారు. పుట్టాక చూస్తే పాపకు కళ్లులేవు. పదివేల మందిలో ఒకరికి ఇలా జరుగుతుందని వైద్యులు చెబుతున్నారు. అబార్షన్ చేయించుకోమన్నా డేనియల్ వినలేదు. జన్మనిచ్చాక చిన్నారికి డైసీ స్మిత్ అని పేరుపెట్టుకున్నారు. తనతో పాటు డైసీ స్మిత్‌ను తల్లి డేనియల్ రోజూ స్విమ్మింగ్‌పూల్‌కు తీసుకెళ్లేది. నీటిలో ఆడటమంటే, స్విమ్మింగ్ అంటే డైసీ‌కు చాలా ఇష్టమని ఆమె తల్లి డేనియల్ చెబుతున్నారు. డైసీకి గ్లాస్ కళ్లు పెట్టించేందుకు డేనియల్ వైద్యులను సంప్రదించారు. సైన్స్ రోజురోజుకీ అభివృద్ధి చెందుతోన్న తరుణంలో చిన్నారికి భగవంతుడు కళ్లు ప్రసాదించాలని డైసీ గురించి తెలిసినవారందరూ ప్రార్ధిస్తున్నారు.